恒指公司上星期五公佈季檢結果，除咗投資者關注之外，上市公司都睇實，因為想立即出通告提醒大家佢哋入港股通喇，但反應之快真係令青冰驚訝。
上星期五有四間公司因此發通告，分別係新城悅服務(1755)、思考樂教育(1769)、同道獵聘(6100)及華夏視聽教育(1981)，今晚亦有藍月亮(6993)出咗。
青冰是在周五晚上6點18分收到恒指公司的季檢結果email，而彭博新聞就在5點56分率先報導有3間公司染藍，唔知彭博是否在6點前已收到整個季檢結果啦，但正常人應該6點後先知道。而新城悅服務就勁喇，在6點33分已經發通告，話「據董事了解，入選恒生綜合小型股指數標誌著本集團已符合了被納入深港通的前置條件」。
廿零三十分鐘就搞掂，效率極高，不過相信呢份通告一早都整定架喇，一見到季檢結果就即出，唔知日後發盈喜盈警，仲有冇呢個效率呢。
Search